IRT Flushing | |
![]() Logos de las dessèrtas 7 e <7>. La Flushing Line fa partida de las tres linhas del malhum sus las qualas una unica dessèrta circula. |
|
Malhum | Mètro de Nòva York |
---|---|
Obertura | 22 de junh de 1915 |
Terminus | 34th Street – Hudson Yards Flushing – Main Street |
Espleitador | New York City Transit Authority |
Punts d'arrèst | 21 |
modificar ![]() |
La linha IRT Flushing es una linha (al sens de tròç del malhum) al còp sosterranha e aeriana del mètro de Nòva York que servís los arrondiments de Manhattan e de Queens. Es eissida de l'ancian malhum de l'Interborough Rapid Transit Company (IRT) tot coma las linhas Broadway-Seventh Avenue e Lexington Avenue. Portava abans lo nom de linha Corona (o linha Woodside and Corona) quand son terminus se situava dins lo quartièr de Corona. Constituís en mai l'una de las linhas principalas (trunk lines) del malhum que donan lor color (en l’ocurréncia lo violet) a las dessèrtas (servicis) que los empruntan, al còp dins Manhattan e en defòra. La linha, dont una partida foguèt inaugurada en 1915, foguèt acabada en 1928 et comporta uèi 21 estacions. Tira son nom del fach que son terminus èst es situat dins lo quartièr de Flushing, dins lo Queens. Presenta en mai la particularitat (amb las linhas IND Crosstown e la BMT Canarsie) d'èsser empruntada per una sola dessèrta que se declina jos una varianta omnibús (mètros 7) e una varianta express s'arrestant qu'a las estacions principalas (<7>).
En mai, la linha se distinguís per la varietat de las estructuras que son utilizadas lo long de son traçat, que van de fustas en acièr per las seccions aerianas a de viaductes construguts dins un estil europèu. Las estacions sosterranhas an tanben estat construgudas amb d'estils unics, coma aquesta de Hunters Point Avenue qu'es construguda dins un estil italian o aquesta de Grand Central – 42nd Street qu'es construguda coma un unic tube circular sul modèl de las estacions del mètro de Londres.